中學生啱啱放完今年特別嘅「暑假」，話咁快又差唔多係時候放返「復活節假」。（誤）應該係話放返個正常嘅「暑假」喇。今年，計劃雖然跟唔切同學仔喺四月放暑假，但都應承喺七月尾考完試同大家見面，一齊探索天文嘅奧祕。
古時李白獨自一人與月亮結伴同遊，而家就有我哋同你一齊漫步星河。除咗西方嘅古希臘星座神話，東方古代中國都有建立自己嘅天地神話故事。中國古人夜觀天象，發揮佢哋嘅想象力，一橫一豎，將天球上唔同嘅點連起，描述人世間嘅事物又或者職位，甚至拼湊出一隻隻神獸；古人又將佢哋所觀察到嘅現象同國家命脈連繫一齊。究竟喺古人眼中嘅天文有咩嘅意義呢？
唔識天文都唔緊要，只要你對天文有興趣，無論想感受中國古人探索天文嘅過程、想識新朋友、學新嘢，定係考完試想逃離一下書卷世界，拋開學業壓力，都可以嚟參加我哋嘅天文計劃。計劃內容極之豐富，包括有中大遊蹤、天文講座、小組競技、觀星環節同各式各樣嘅集體遊戲等等。咁精彩嘅活動，仲唔快啲嚟參加！！！
●迎新日
日期：2022.07.23(六)
地點：香港中文大學
對象：只限全港中三至中六學生(2021~2022年度)
名額：40
◎宿營
日期：2022.07.30(六)~2022.07.31(日)
收費活動，參加者必須報名，2022.07.02截止
未滿十八歲之參加者必須簽署免責聲明書及家長/監護人同意書
【此屬轉載訊息，以主事單位發佈為準】
此活動由香港中文大學天文學會主辦。
