一年一度嘅聯大天文營又嚟啦！
今年嘅活動以「瑪雅古天文」為主題，融合天文學x神秘學元素，致力打造角色扮演RPG級體驗，帶你穿越古今，玩轉瑪雅古天文！
期間有好多刺激好玩，當然唔少得圍繞天文知識嘅活動，就快尐過嚟參加啦！
◎迎新日
時間：●2022.11.19(六) 10:00~22:00
地點：香港中文大學
◎天文營
時間：○2022.11.26(六) 13:30 ~ 2022.11.27(日) 18:00
地點：保良局賽馬會北潭涌渡假村
對象：現屆大學生
名額：96
收費活動，參加者必須報名，2022.11.02截止
【此屬轉載訊息，以主事單位發佈為準】
「早於古代已經滅亡、傳說中嘅瑪雅古國，一晚夜空中嘅星河突然顛倒凌亂，似有災禍跡象。直到來自『北極星』嘅公主降世，瑪雅先回復和平同秩序。
一向忠心耿耿、為國盡忠嘅瑪雅蕯滿『無敵大法師』，突然俾野心勃勃嘅『瑪雅國王』賜予極刑處死。但法師喺氣絕之前，將靈魂封印喺金字塔之內，為世界留下2012末日大預言───法師甦醒之際，將為世界帶來災厄……
2000年後嘅今日，末日嘅日子即將降臨，『首席大侍衛』接到保護公主嘅密令，喺任務期間，驚訝發現眾人於遠古時代嘅淵源，更加了解到大法師策劃嘅陰謀原來從不簡單……侍衛於是決心要集眾人之力，誓要阻止世界毁滅！
作為瑪雅古代賢者嘅後代、北極星嘅子民，你到底會選擇拯救天下蒼生、為世界帶來光明；抑或決心復興古國，滅世為前人復仇？」
此活動由香港科技大學天文學會&香港中文大學天文學會主辦。
